Samfélagssjóður EFLU hefur veitt sína tólftu úthlutun. Að þessu sinni bárust 76 umsóknir og hlutu 6 verkefni styrk. Umsóknir voru metnar út frá markmiðum sjóðsins, markmiðum EFLU og áherslum nefndarinnar.
Verkefnin sem hlutu styrk að þessu sinni eru
- Skátafélagið Mosverjar
Uppbygging á aðstöðu og búnaði skátafélagsins
- Ástráður - kynfræðslufélag læknanema
Fjármögnun forvarnarstarfs í kynheilbrigði
- Fjölskylduhjálp Íslands
Mataraðstoð
- Lionsklúbburinn Hængur
Kaup á plöntum, áburði og áhöldum vegna skógræktar
- Landssamband slökkviliðs- og sjúkraflutningamanna
Fræðsla um eldvarnir fyrir nemendur í 3. bekk í grunnskólum landsins
- Women Political Leader Forum
Heimsþing kvenleiðtoga í stjórnmálum
Við óskum forsvarsmönnum ofangreindra verkefna til hamingju með styrkinn og megi þeim vegna sem allra best. Einnig þökkum við öllum þeim sem sóttu um styrk í samfélagssjóð EFLU og minnum á að tekið er á móti umsóknum í sjóðinn allt árið í kring.